Il Cjastic di Diu
.................
Il Cjastic di Diu
Il Signor po’ vê creat
I uceluz, il mar, il prat,
S’une cjoce si e sentat
E di fâ l’omp al à pensât
‘L à pensade le maniere
Di creâ il “Re” de tjere
Che nol vedi niscun mâl
Ch’al governi ogni nemâl
Plen di buine volontât
E cul cûr dut spalancât
Ad un semplon s’e vizinât
E a fâ l’omp ‘l à scomencât
Di papagâl la lenghe al mèt
E di giâl il sburlufet
Dal leon la prepotence
E di un mus dute la scienze
E di taùr i cuars e i vôi
A di ûs a’n’bute doi
La vôs dal Orcul al met ancje
E di purcit po chel ch’al mancje
Po al mescede par trê dîs
In tal miec dal paradis
E dal paston nì mol nì dur
Velu l’omp ch’al salte fûr
Si po crodi o ancje no
Ma se ‘o lin a cjalâ dapit
O cjatarin… Alc che nus semee
Adamp, bon omp, ma di besôl
See spant e see met in côl
Al faseve propit pene
Cence un fregul di Pueme
Al pensave dì e gnot
Cemut jemplâ chel bussulot
Po par fa la robe miôr
Je domande al Signor
Il Signor no lu à scoltat
E alore si e rabiât
Al semplon s’è vizinât
E a fa Eve ‘l à scomenciat
Al met dentri une ciujte
Cun dai trucs e une matite
Dal pavon la vanitât
Ma de volp la furbetât
Po al met dos colombutis
Un geut di bocetutis
Un biel toc di cere-lacje
Dut il rest lu met di vacje
Po al mescede par trê dîs
In tal miec dal paradis
E dal paston plui mol che dur
La Pueme j salte fûr
Si po crodi o ancje no
Ma se ‘o lin a cjalâ dapit
O cjatarin… Alc che j semee
Il Signor bon come il pan
Ju smicjave di lontan
E judint che s’intindivin
Ur a dât ce ch’e vulivin
Ma una dì chê Eve mate
J a dat a l’omp la miluciate
E il Signor par chel pecjat
Si è nevore inrabiat
Prin j a fât ‘ne romanzine
Prevedint la lor rujne
Po dat dongje al semplon
Per ‘ne juste punizion
Al bute dentri une faine
Cu la nitro-glicerine
Lis grifatis di une gjate
E di cjalimp une pignate
Un quintal di dinamite
Il velemp di cuar di lipare
La barbate di un brigant
E tan gâs asfisiant
Po al mescede par trê dîs
In tal miec dal paradis
E dal paston ‘nevore dur
La “madone” ur salte fûr
| Carabule country: I senza storia |
|---|