Il morâr
Il morâr
Un mârar grant e vieri quasi come il re dal timp
Al pandeve la sô ombrene come une coltre sore un iet
Plantât dongje un puint di clap che al peave il mont al borc
Parcé sot un riûl di aghe se contave di dí e di gnot
Dut atôr un bosc d’acacis, muscli, pieris e tancj baras
Fra chei sterps si platave una bande di brigants
Lasarons cence creance, nome vôe di copâ
Par freâ cualchi palanche e zuiale cuissà dulà
Prime un predi dopo un fari e po’ daspo’ un contadin
Sul morâr ju àn picjâts quasi fossin tancj lumins
Un forest che in su al lave cun tal bracj il so ninin
Su lis ramacis dal morâr son stâs la cene dai corvats
Ancje ir une caroce che passave par di là
Cu la sclope le àn fermade, scurtissade cul masanc
La á gnocis cu la miserie nol è ciert un biel ce fâ
No si á voe di fâ fieste cuant tal stomi la fan e bat
I sciorats de lor bande nol saveve ce sant votâ
Impegnats come simpri a tignissi il cul tal cjalt
I brigants… une disgracie se no cole su di lôr
Il morâr une maniere par fasci biei all’Imperadôr
Vue cun te doman cun lui possantdoman cuissâ cun cui
Il morâr stant cidin in á nicjat cualchi dun in plui
E la colpe… ai brigants ma no simpri e iere lôr
I picjâts la diference le savevin ma dome lôr
Cussí in place “Zardin grant” rivade a pueste di lontan
La ghigliotine e àn montat par fâ tasé dut chel paltan
dentri a un zei ogni brigant al á lassat il cjâf tal sanc
Il piês dopo sul morâr vistut a fieste come a Nadal
Gire e volte vâ la strade ma no passe plui par di lâ
Il morâr lu an seat par c’al sedi nome un ricuart
Il puintat un col di pieris une lapide pai muarts
Nome il riûl che al sta sot se conte e conte di dì e di gnot